moola manthiram odal Thiruppugazh
அருணகிரிநாதர் அருளிய திருப்புகழ்
மூல மந்திரம் (பழநி)
பழநியப்பா! மெய்யடியார் உறவை அருள்
மூல மந்திரம் (பழநி)
பழநியப்பா! மெய்யடியார் உறவை அருள்
தான தந்தன தான தந்தன
தான தந்தன தான தந்தன
தான தந்தன தான தந்தன ...... தனதான
மூல மந்திர மோத லிங்கிலை
யீவ திங்கிலை நேய மிங்கிலை
மோன மிங்கிலை ஞான மிங்கிலை ...... மடவார்கள்
மோக முண்டதி தாக முண்டப
சார முண்டப ராத முண்டிடு
மூக னென்றோரு பேரு முண்டருள் ...... பயிலாத
கோல முங்குண வீன துன்பர்கள்
வார்மை யும்பல வாகி வெந்தெழு
கோர கும்பியி லேவி ழுந்திட ...... நினைவாகிக்
கூடு கொண்டுழல் வேனை யன்பொடு
ஞான நெஞ்சினர் பாலி ணங்கிடு
கூர்மை தந்தினி யாள வந்தருள் ...... புரிவாயே
பீலி வெந்துய ராலி வெந்தவ
சோகு வெந்தமண் மூகர் நெஞ்சிடை
பீதி கொண்டிட வாது கொண்டரு ...... ளெழுதேடு
பேணி யங்கெதி ராறு சென்றிட
மாற னும்பிணி தீர வஞ்சகர்
பீறு வெங்கழு வேற வென்றிடு ...... முருகோனே
ஆல முண்டவர் சோதி யங்கணர்
பாக மொன்றிய வாலை யந்தரி
ஆதி யந்தமு மான சங்கரி ...... குமரேசா
ஆர ணம்பயில் ஞான புங்கவ
சேவ லங்கொடி யான பைங்கர
ஆவி னன்குடி வாழ்வு கொண்டருள் ...... பெருமாளே.
பதம் பிரித்தல்
மூல மந்திரம் ஓதல் இங்கு இலை,
ஈவது இங்கு இலை, நேயம் இங்கு இலை,
மோனம் இங்கு இலை, ஞானம் இங்கு இலை, ...... மடவார்கள்
மோகம் உண்டு, அதி தாகம் உண்டு, அப-
சாரம் உண்டு, அபராதம் உண்டு, இடு
மூகன் என்று ஒரு பேரும் உண்டு, அருள் ...... பயிலாத
கோலமும், குண ஈன துன்பர்கள்
வார்மையும், பல ஆகி, வெந்து எழு
கோர கும்பியிலே விழுந்திட ...... நினைவாகி,
கூடு கொண்டு உழல்வேனை, அன்பொடு
ஞான நெஞ்சினர் பால் இணங்கிடு
கூர்மை தந்து, இனி ஆள வந்து, அருள் ......புரிவாயே.
பீலி வெந்து, உயர் ஆலி வெந்து,
அசோகு வெந்து, அமண் மூகர் நெஞ்சிடை
பீதி கொண்டிட, வாது கொண்டு,அருள் ......எழுதுஏடு
பேணி அங்கு, எதிர் ஆறு சென்றிட,
மாறனும் பிணி தீர, வஞ்சகர்
பீறு வெங்கழு ஏற, வென்றிடு ...... முருகோனே!
ஆலம் உண்டவர், சோதி அம் கணர்,
பாகம் ஒன்றிய வாலை, அந்தரி,
ஆதி அந்தமும் ஆன சங்கரி ...... குமரஈசா!
ஆரணம் பயில் ஞான புங்கவ!
சேவல் அம் கொடி ஆன பைங்கர!
ஆவினன்குடி வாழ்வு கொண்டு அருள் ...... பெருமாளே.
Comments
Post a Comment