Varuvai mayil meedhinile

முருகன் பாட்டு

முருகா முருகா முருகா

வருவாய் மயில் மீதினிலே
      வடிவே லுடனே வருவாய்! 
தருவாய் நலமும் தகவும் புகழும் 
      தவமும் திறமும் தனமும் கனமும்     (முருகா) 

அடியார் பலரிங் குளரே, 
      அவரை விடுவித் தருள்வாய்! 
முடியா மறையின் முடிவே! அசுரர் 
      முடிவே கருதும் வடிவே லவனே!         (முருகா) 

சுருதிப் பொருளே, வருக! 
      துணிவே, கனலே, வருக! 
கருதிக் கருதிக் கவலைப் படுவார் 
      கவலைக் கடலைக் கடியும் வடிவேல்.    (முருகா) 

அமரா வதிவாழ் வுறவே 
      அருள்வாய்! சரணம்! சரணம்! 
குமரா பிணியா வையுமே சிதறக் 
      குமுறும் சுடர்வே லவனே சரணம்!   (முருகா) 

அறிவா கியகோ யிலிலே 
      அருளா கியதாய் மடிமேல் 
பொறிவே லுடனே வளர்வாய்! அடியார் 
      புதுவாழ் வுறவே புவிமீ தருள்வாய்!   (முருகா) 

குருவே! பரமன் மகனே! 
      குகையில் வளருங் கனலே! 
தருவாய் தொழிலும் பயனும் அமரர் 
      சமரா திபனே! சரணம்! சரணம்!           (முருகா)

Comments

Popular posts from this blog

Thiruppugazh Erumayil-Eri ஏறுமயிலேறி

Thiruppugazh - Kaithala-nirai-kani - கைத்தல நிறைகனி

CCC Downloads

Thiruppugazh - Agaramum-aagi - அகரமுமாகி