Endhaiyum Thaayum

எந்தையுந் தாயு மகிழ்ந்து 

எந்தையுந் தாயு மகிழ்ந்து குலாவி
யிருந்தது மிந்நாடே -அதன்
முந்தைய ராயிர மாண்டுகள் வாழ்ந்து
முடிந்தது மிந்நாடே -அவர்
சிந்தையி லாயிர மெண்ணம் வளர்ந்து
சிறந்தது மிந்நாடே -இதை
வந்தனை கூறி மனதி லிருத்தியென்
வாயுற வாழ்த்தேனோ -இதை
வந்தே மாதரம், வந்தே மாதரம்
என்று வணங்கேனோ?

இன்னுயிர் தந்தெமை யீன்று வளர்த்தரு
ளீந்தது மிந்நாடே -எங்கள்
அன்னையர் தோன்றி மழலைகள் கூறி
அறிந்தது மிந்நாடே -அவர்
கன்னி யராகி நிலவினி லாடிக்
களித்தது மிந்நாடே -தங்கள்
பொன்னுட லின்புற நீர்வினை யாடியில்
போந்தது மிந்நாடே -இதை
வந்தே மாதரம், வந்தே மாதரம்
என்று வணங்கேனோ?

மங்கைய ராயவர் இல்லற நன்கு
வளர்த்தது மிந்நாடே -அவர்
தங்க மதலைக் ளீன்றமு தூட்டித்
தழுவி திந்நாடே -மக்கள்
துங்க முயர்ந்து வளர்கெனக் கோயில்கள்
சூழ்ந்தது மிந்நாடே -பின்னர்
அங்கவர் மாய அவருடற் பூந்துகள்
ஆர்ந்தது மிந்நாடே -இதை
வந்தே மாதரம்,வந்தே மாதரம்
என்று வணங்கேனோ?

Comments

Popular posts from this blog

Thiruppugazh Erumayil-Eri ஏறுமயிலேறி

Thiruppugazh - Kaithala-nirai-kani - கைத்தல நிறைகனி

CCC Downloads

Thiruppugazh - Agaramum-aagi - அகரமுமாகி