achamillai achamillai

அச்சமில்லை அச்சமில்லை 

அச்சமில்லை அச்சமில்லை அச்சமென்ப தில்லையே 

இச்சகத்து ளோரெலாம் எதிர்த்து நின்ற போதினும்
துச்சமாக எண்ணி நம்மைச் தூறுசெய்த போதினும
பிச்சை வாங்கி உண்ணும் வாழ்க்கை பெற்று விட்ட போதிலும்
இச்சைகொண்டே பொருளெலாம் இழந்துவிட்ட போதிலும்

அச்சமில்லை அச்சமில்லை அச்சமென்ப தில்லையே

கச்சணிந்த கொங்கை மாதர் கண்கள்வீசு போதினும்
நச்சைவாயி லே கொணர்ந்து நண்ப ரூட்டு போதினும்
பச்சையூ னியைந்த வேற் படைகள் வந்த போதினும்
உச்சிமீது வானிடிந்து வீழு கின்ற போதினும்

அச்சமில்லை அச்சமில்லை அச்சமென்ப தில்லையே 

Comments